Palagak-lagakkon

mardalan au pupu longang..
lao manjalai parjagal lomang..
kabarna sehat inda nian ronyang..
mur malagak ulala nga mangido urang..

bope dao dabo manden..
hutantai leng ningot do marpupu..
ison ma ita marbalas commen..
ulang nian jabat maraburan ilu muyu..

indu baya pau ison muse aluo..
rap ioban alak laos tu lombang..
inda hum au, hope songoni juo..
rap lagakta nga mangido urang.....

Potang ni ari udan nadoras..
Ari ngali bitua pe male..
Por roha namilas-milas..
Mangan minum laos manangion ende..

Lagakna lalana nga mangido urang..
Tu jae tu julu leng napupu longang..
Dolok tu lombang kecek badongkang..
Nga pe simpang madung targompang..

Molo mangan pake ancimun,
Namaloi dongan marpantun.

Buah kedong-dong di tarimbaru,
sar-sar dong-dong niadaboru.

(patunda ni pantunmu lae)

Kupiah lobe sangkot di bulu, tola dope dot marguru?

Jaka sembung pergi mandehe, manyambundo ido ho lae?

molo mangan pake ancimun..
ulang lupa 'kang pake lasiak..
malo naso malo marpantun..
uparbaeni soni bope maturapak..

pala kupiah lobe sangkot di bulu..
palan-palan angkang baen mambuatna..
aropku angkang do napade ami parguru..

pantun ni angkang nasantak dabo patenna..

jaka sembung lopus mandehe..
manyambung naso manyambung pokokna torus kehe..

Pala ube donganna parcak,
Pake rimbang namacom dot balanak.
Imada ubege songon namaturapak,
Usangka lae hamu nasom2 tu andang nialak.....

Molo lobe tibalanna di ulu,
Simpang tu jae baya mangamun.
Ulang lae baen au guru,
Naso malo do au marpantun.

Ikan kembung di asom padeh, bope somanyambung asal les kehe..

rimbang ibaen donganni parcak,
mur matabo dung ro balanak.
targompang au ima so maturapak..
baen longangna mangida alak..

pala manyimpang tu siamun..
oban silua 'kang jami ancimun..
pupu ning angkang naso malo marpantun..
paten-paten doma bo marroan marsusun..

baen sayur marrimbang, ima dongan ni asom podeh..
patogu sarusur angkang, so ke ita kehe..
Tabo namangan pake bolgang,
Bulung ni pisang jadi amparan.

Molo mardalan ulang lae longang,
Tokok tu tiang annon obaran....
(marbutul naron boi sapining..hahaha)

sidung mangan ancimun..
di nalao mangan mar asom podeh
pantun tu pantun ibaen marsusun..
kaji sabornginon madung lopeh..