Rap Ita Pature Madina

songonon ma baya madina
leng nabahat dope naso ture
sapulu taon ma baya umurna
hasil ni otonomi saotik dope

aek mais dot batang gadis
muara mais jadi pardomuan
bahat dope rakyat na tangis
pamimpinna markasonangan

kecamatan muara batanggadis
ilambung nai kecamatan natal
nelayanta i leng dope na tangis
baen pamimpin inda cukup marakal

pala inda cukup marakal
nabinotona pupu marbada
sian siabu torus tu natal
leng so adong natarbangunna

otonomi anso mambangun
inda mandapot dope sudena
pala adong pe natarbangun
kualitas urang namomo sega

ulang majolo namambangun
na adong kian pe isega-isega
ita ligima arangan dot kobun
sudena madung bahat nasega

aek godang aek galoga
namamolus di panyabungan
pala arangan bahat ma nasega
aek magodang jadi parmaraan

nabahat ma alak mangida
aha na masa di mandailing
haranganta i mur masega
patunda bahatna illegal logging

inda hum i baya na sega
bahat muse dope da na asing
sian siabu baya lalu tu maga
dalan bahat songon namatolping

ison ma  ita mambahasna
anso sude "rap ita pature"
inda cukup hum strukturna
"rohana" pe porlu ipature