KMMN Bandung Berdiri

Alhamdulillah, telah terbentuk Keluarga Mahasiswa Mandailing Natal - Bandung (KMMN Bandung). Semoga dapat menjadi wadah bersama, berkumpul, berkreativitas,
meningkatkan rasa persaudaraan dan kekeluargaan bagi para mahasiswa Mandailing Natal yang menempuh studi di Bandung, serta dapat memberikan sumbangsih pemikiran dan perbuatan bagi pembangunan Mandailing Natal. SELAMAT DAN SUKSES!

AJAR NI AMANG NA DI ANAKNA NA LAOS KEHE TU SIKOLA dohot ALUSI NI SINUAN TUNAS TU AMA INANG NA LAOS KEHE TU SIKOLA

AJAR NI AMANG NA
DI ANAKNA NA LAOS KEHE TU SIKOLA


Ia bole amang sinuan tunas
Langka maho amang marguru tu sikola
Ulang humbaen song luas-luas
Tai ringgas ho amang marsipoda

Anggo panganon dohot abit
Uparkancitkon manjalaisa
Inda au nian makikit
Dio mangalehensa

Muda langka au manjala
Dapot au dua mera
Ugadis mai sada
Anso adong panabusi sira

Muda adong tuor nikopi
Dapot au dohot inangmu
Deba do i upajopi
Deba ambaen dio abit matomu

Muda nga dipangan tangkalon
Dapot kita tolu lungguk
Sada mai ugadiskon
Panabusi timbako dohot pusuk

Imale nian amang
Por nirohangku ho marbisuk
Ampot sogot mandokdok ma ulala pamatang
Anso ho doma ubaen usuk

Muda au sogot matobang
Inangmu pe nga be marnida
Da ami ma pasonang
Homa mamparkayahon kita

O… Nalobi Denggan Roa
Na umbege na upardokon on
Mangido au di Ita
Ita patorang ma pangaroai ni danak on


Willem Iskander Nasution


ALUSI NI SINUAN TUNAS
TU AMA INANG
NA LAOS KEHE TU SIKOLA

Inda ayah song poso ni onas
Langka ni ibana na laos kehe marsikola
Inda juo hubaen ayah song luas-luas
Tai ringgas ma ibana marsipoda

Panganon baya ni yah dohot abit
Uparkancitkon juo do mamakesa
Inda boto ayah ibana markancit
Mudape sakali tolu ari do u usa

Muda langka ayah manjala
Humsada dua mera pe inda dapot
Ulang boto da ayah mangaroa-roa
Angkon na halalido so dapot poda

Jarupe adong tuor ni kopi
Na dapot ayah dohot umak
Jarupe sude, ayah umak pajopi
Inda boto ibana ayah, umak-umak

Muda nga dipangan tankalon
Dapot ayah umak do tolu lungguk
Inda boto ayah umak usangkal kon
Malungun do ibana rap marjuguk-juguk

U boto mada ayah umak
Por ni roha muyu au marbisuk
Jarupe ayah umak tongkin nai na juguk doma di hamak
Huboto mai nangkan na ibana do usuk

Jarupe da ayah madung matobang
Umak pe baya indaba marnida
Inda boto da ibana ayah manyonang
Angkon bisa do ibana parkayahon kita

O…. Nalobi Denggan Roa
Na umbege na hami pardokon on
Mangido ma hami di Ita
Markasehatan nian ayah umak kon


Abdul Aziz Nasution

Critical legal theory | LII / Legal Information Institute

Critical legal theory | LII / Legal Information Institute